თანამედროვე მსოფლიოში, მომხმარებლისათვის ხარისხიანი სამედიცინო სერვისის მიწოდების აუცილებელი კომპონენტია ზუსტი ანალიზური კონტროლი, რისი უზრუნველყოფაც შეუძლებელია ეფექტიანი ხარისხის გარე კონტროლის განხორციელების გარეშე. ILTC გთავაზობთ კლინიკური ანალიზების საკვალიფიკაციო ტესტირების (PT) სქემებს, რისი მეშვეობითაც თქვენი ლაბორატორია მიიღებს სათანადო მხარდაჭერას არსებული ხარისხის მართვის სისტემის შეფასებისა და ეფექტიანობის უზრუნველსაყოფად.

საკვალიფიკაციო ტესტირება

დამოუკიდებელი „საკვალიფიკაციო ტესტირება" (Proficiency Testing / PT) მძლავრი ინსტრუმენტია მენეჯერებისთვის, რაც, გარდა იმისა, რომ საშუალებას იძლევა, გაკონტროლდეს კლინიკური ლაბორატორიის მუშაობის ხარისხი და საჭიროების შემთხვევაში, გატარდეს დროული, ზუსტი და ეფექტიანი მაკორეგირებელი ქმედებები, ასევე, წარმოადგენს საკუთარი მაღალი კომპეტენციის დემონსტრირების საშუალებას მარეგულირებელი / სააკრედიტაციო ორგანოს, მომხმარებლისა ან/და კონკურენტების წინაშე.

ბენეფიციართა ჯანმრთელობაზე აღებული გაცნობიერებული პასუხისმგებლობისა და მაღალი ინტერლაბორატორიული კონკურენციის პირობებში, „საკვალიფიკაციო ტესტირებას" (PT) დაქვემდებარება უალტერნატივო გზაა კლინიკური ლაბორატორიის საანალიზო მეთოდების / კვლევის შედეგების ზედმიწევნითი სიზუსტის მისაღწევად. საკვალიფიკაციო ტესტირების დამადასტურებელი დოკუმენტაცია სანდოობის მტკიცებულება და ხარისხის უმაღლესი სტანდარტის ფლობის სტატუსის მოპოვების გარანტია.